मोदीको सपथमा प्रधानमन्त्री ओलीलाई निम्तो

काठमाडौं – भारतीय प्रधानमन्त्री नरेन्द्र मोदीको सपथ समारोहमा भाग लिन नेपाललाई औपचारिक निमन्त्रणा आएको छ ।

मे ३० मा प्रधानमन्त्री मोदीले दोश्रोपटक भारतीय प्रधानमन्त्रीको रुपमा सपथ लिँदैछन् । सो समारोहमा भाग लिन नेपाल लगायतका विमस्टेक सदस्य राष्टहरुलाई निमन्त्रणा गरिएको भारतीय विदेश मन्त्रालयका प्रवक्ता रविश कुमारले ट्वीटमार्फत जानकारी दिएका छन् ।

&

Invitation for Swearing-in Ceremony of PM @narendramodi extended to leaders of #BIMSTEC Member States, President of Kyrgyz Republic, as current Chair of #SCO & Prime Minister of #Mauritius, who was Chief Guest at this year’s Pravasi Bhartiya Divas. https://t.co/NZieoT5NjX pic.twitter.com/2lYtXz8U2d

— Raveesh Kumar (@MEAIndia) May 27, 2019

;

यसअघि सार्क अध्यक्ष लगायत सदस्य राष्ट्रका प्रमुखहरुलाई सपथ समारोहमा निमन्त्रणा गर्ने चलन थियो । तर यो पटक भने विमस्टेक सदस्य राष्टका प्रमुखहरुलाई निमन्त्रणा गरिएको हो । सपथ समारोहका लागि निम्तो आएपछि प्रधानमन्त्री केपी ओली भारत भ्रमणमा जाने तयारीमा रहेको श्रोतले जनाएको छ । यद्यपि, भ्रमणको बारेमा औपचारिक कुरा बाहिर आएको छैन ।

सन् २०१४ मा प्रधानमन्त्री मोदीले सपथ लिँदा सार्क अध्यक्ष राष्टको रुपमा पाकिस्तानका तत्कालीन प्रधानमन्त्री नवाज सरिफ लगायतका सार्क सदस्य राष्टका प्रमुखहरु उपस्थित रहेका थिए । यसअघि नेपालको अध्यक्षतामा १८ औं सार्क शिखर सम्मेलन काठमाडौंमा सम्पन्न भएपनि भारत र पाकिस्तानबीच देखिएको बढ्दो तनावका कारण १९ औं सार्क शिखर सम्मेलन हुन सकेको छैन ।

१९ औं सार्क शिखर सम्मेलन पाकिस्तानको राजधानी इश्लामावादमा हुने भनिए पनि भारतले अस्वीकार गरेपछि स्थगित भएको थियो ।