जितसंगै मोदीले ट्वीटरमा आफ्नो नामअघिको ‘चौकिदार’ शब्द हटाए

काठमाडौँ – भारतीय प्रधानमन्त्री नरेन्द्र मोदीले आफ्नो नाम अगाडि राखेको ‘चौकिदार’ शब्द हटाएका छन् । भारतमा जानरी निर्वाचनको मतगणनामा मोदीको पार्टी भारतीय जनता पार्टी (भाजपा)को एकल बहुमत लगभग निश्चित भएपछि उनले आफ्नो नामअघिको ‘चौकिदार’ शब्द हटाएका हुन् ।

शब्द हटाएपछि नरेन्द्र मोदीले चौकिदारको स्प्रिटलाई अर्को चरणमा लैजाने समय आएको बताएका छन् । ‘मेरो ट्वीटर एकाउन्टबाट ‘चौकिदार’ शब्द हटाएको छु । तर, आगामी दिनमा यो अभिन्न अंगका रुपमा मसंग रहनेछ ।’

गत मार्च १५ मा मोदीले आफ्नो ट्वीटर एकाउण्टमा एक भिडियो जारी गरेर ‘म पनि चौकिदार’ अभियान सुरु गरेका थिए ।

Now, the time has come to take the Chowkidar Spirit to the next level.

Keep this spirit alive at every moment and continue working for India’s progress.

The word ‘Chowkidar’ goes from my Twitter name but it remains an integral part of me. Urging you all to do the same too!

— Narendra Modi (@narendramodi) May 23, 2019

– हार स्वीकार्दै राहुल गान्धीले दिए मोदीलाई बधाई

– प्रधानमन्त्री ओलीद्वारा मोदीलाई टेलिफोनमार्फत बधाई

के हो ‘चौकीदार’ काण्ड ?

भारतीय आम आदमी पार्टीकी सांसद अल्का लाम्बाले गत फागुन २८ गते भारतीय प्रधानमन्त्री नरेन्द्र मोदी र उनको पार्टी भाजपालाई लक्षित गर्दै ट्वीट गरेकी थिइन् ।

उनले ट्वीट भारतमा आसन्न लोकसभा चुनावमाफर्त ‘चौकादार’ नभई प्रधानमन्त्री चुन्नु पर्ने र चौकिदार त नेपालबाटै मगाउन सकिने जस्तो अपमानजनक भाषा प्रयोग गरेकी थिइन् । उनलेका ट्वीटपछि व्यापक आलोचना भएपछि नेपालीसामू माफी मागेकी थिइन् ।