काठमाडौँमा आज जोर नम्बरका सवारी साधनहरु मात्रै चल्न पाउने

काठमाडौं । सरकारले काठमाडौँमा चल्‍ने सवारी साधनहरुमा चार दिन जोर-विजोर प्रणाली लागू गरे बमोजिम शुक्रबार जोर नम्बरका सवारीका सधान मात्रै सञ्चालन हुन पाउनेछन् ।

साेमबारदेखि १७ गतेसम्म हुने एसिया प्यासिफिक समिटका लागि भन्‍दै गृह मन्त्रालयले आवागमन व्यवस्थित बनाउन ट्राफिक प्रहरीलाई यस्तो निर्देशन दिएको हो।

महानगरीय ट्राफिक प्रहरी महाशाखाका अनुसार मंसिर १३ देखि १६ गतेसम्म चार दिन काठमाडौंमा चल्ने गाडीहरुमा जोर विजोर प्रणाली लागू हुनेछ।

अब मंसिर १५ गते नम्बर प्लेटको अन्तिमको अंक विजोर भएको र १४ ( आज ) र १६ गते जोर भएका सवारी साधनमात्र चल्न पाउने छन्। यसका साथै अत्यावश्यक सेवा र शैक्षिक संस्थाका सवारी साधनमा भने जोर(विजोर प्रणाली लागू हुने छैन।

युनिभर्सल पिस फेडेरेसनको आयोजनामा काठमाडौंको ह्यात रिजेन्सीमा एशिया प्यासिफिक समिट हुँदैछ। आयोजकका अनुसार उक्त कार्यक्रममा ७ देशका राष्ट्ररसरकार प्रमुख तथा उपप्रमुख सहभागी हुनेछन्।

सरकारले अनावश्यक रुपमा जोर विजोर प्रणाली लागू गरेको भन्दै सर्वसाधारणहरुले विरोध गरिरहेका छन् । उनीहरुले सरकारको यो निर्देशन नमान्ने भन्दै जोर विजोर प्रणालीको अवज्ञा पनि गरेका छन् ।