राप्रपाले देउवाका पक्षमा मतदान गर्ने

काठमाडौँ, २१ जेठ । राष्ट्रिय प्रजातन्त्र पार्टीले व्यवस्थापिका–संसद्मा प्रधानमन्त्रीको उम्मेदवार शेरबहादुर देउवाका पक्षमा मतदान गर्ने भएको छ ।

पार्टी संसदीय दलको आज बसेको बैठकले नेपाली काँग्रेस र नेकपा (माओवादी केन्द्र)सँग सरकारमा सहभागिताका लागि वार्ता गर्न पार्टीका महामन्त्री जयन्त चन्दको संयोजकत्वमा पूर्वमन्त्री दिलनाथ गिरी र प्रमुख सचेतक कुन्तीकुमारी शाही सदस्य रहेको समिति गठन गरेको पूर्वमन्त्री गिरीले जानकारी दिए। व्यवस्थापिका–संसद्मा सो दलबाट ३७ सांसदले प्रतिनिधित्व गरेका छन्।

नयाँ प्रधानमन्त्रीका लागि नेपाली कांग्रेसका पार्टी सभापति शेरबहादुर देउवाको एक्लो उम्मेद्वारी परेको छ । आज बिहान ११ बजे बस्ने भनिएको संसद् बैठक एमाललेले भरतपुर महानगरको वडा नं १९को विषयलाई लिएर आरोध गरेपछि मंगलबार सम्मका लागि स्थगित भएको छ । यसैगरी राजपाले पनि देउवाकै पक्षमा मतदान गर्ने निर्णय गरेको छ ।