धर्म गुरु आचार्य श्रीनिवास ५ हजार धरौटीमा रिहा

काठमाडौँ– आफैंले गोली हान्न लगाएको आरोपमा पक्राउ परेका हिन्दु धर्मगुरू आचार्य श्रीनिवासलाई जिल्ला अदालत मोरङले ५ हजार धरौटीमा छोडेको छ।

न्यायाधीश नारायणप्रसाद शर्माको इजलासले उनलाई ५ हजार धरौटी राखेर तारेखमा छोड्न आदेश दिएको जिल्ला अदालत मोरङका श्रेस्तेदार नवराज दुलालले जानकारी दिए।

मोरङ प्रहरीले श्रीनिवास विरुद्ध हातहतियार तथा खरखजाना मुद्दा लगाएको थियो।

चैत २५ गते मोरङको रानी जतुवामा रहेको जानकी मन्दिरमा सप्ताह लगाउन पुगेका श्रीनिवासमाथि गोली प्रहार भएको थियो। तर, अनुसन्धानका क्रममा आफैंले योजना बनाएर गोली हान्न लगाएको देखिएपछि आचार्यलाई प्रहरीले पक्राउ गरि हातहतियार तथा खरखजाना मुद्दा लगाएको थियो।

हिन्दु राज्यको माग गर्दै गरेको आन्दोलन सफल नभएपछि आचार्यले धार्मिक हिंसा भड्काउन उक्त कार्य गरेको प्रहरी अनुसन्धानबाट खुलेको थियो।हिन्दु राज्यको माग गर्दै गरेको आन्दोलन सफल नभएपछि आचार्यले धार्मिक हिंसा भड्काउन उक्त कार्य गरेको भन्दै मुद्दा दर्ता भएको हो।