नेकपा (विप्लव)ले गर्‍यो ९९ रोपनी जग्गा कब्जा !

काठमाडौं–नेपाल कम्युनिस्ट पार्टीकाले रामेछापमा ९९ रोपनी जग्गा कब्जा गरेको छ । ‘जिल्ला जनपरिषद् रामेछाप’को नामबाट जिल्लाको खाँडादेवी गाउँपालिका–१ राकाथुम खैरेनीका विभिन्न व्यक्तिको ९९ रोपनी जग्गा कब्जा गरेको हो । नेकपाले ‘नेकपा (माओवादी)’ नामको ब्यानर टाँगेर जग्गा कब्जा गरेको घोषणा गरेको छ ।

दोरम्बा गाउँपालिका–२ का चण्डिलाल तामाङ, खाँडादेवी गाउँपालिका–१ का मानबहादुर तामाङ, सिंहबहादुर लामा, गणेशबहादुर तामाङ, खाँडादेवी गाउँपालिका–२ का तेजबहादुर तामाङ र रोजबहादुर तामाङको जग्गा नेत्रविक्रम चन्द विप्लव नेतृत्वको नेकपाले कब्जा गरेको हो ।

०३९ सालमा जग्गा नापीका क्रममा मालपोतका कर्मचारीलाई घुस खुवाई सर्वसाधारणको जग्गा हडपेको आरोपमा नेकपाले जग्गा कब्जा गरेको हो । जग्गामा नेकपाको झण्डा गाडेर कब्जा गरेको बताएको छ ।

नेकपाले जग्गा आइतबार रातिबाट कब्जामा लिएको जनाएको छ । जग्गा सर्वसाधारणलाई पनि दिने भन्दै सुरुमा पैसा असुलेको तर हालसम्म पैसा तिर्ने नागरिकलाई जग्गा पनि नदिएको तथा पैसा पनि फिर्ता नगरेकाले सो कार्य ‘जनविरोधी गतिविधि’ भएको नेकपाको ठहर छ ।

जिल्ला जनपरिषद् रामेछापले जारी गरेको अपिलमा कब्जामा लिएको जग्गा कोही कसैले हस्तक्षेप गरे जुनसुकै कदम चाल्न पनि पछि नपर्ने चेतावनी दिएको छ ।