‘छुपुमा छुपु हिलोमा धान रोपेरै छोडौंला, नेता बानियाँको नेतृत्वमा यो देशको मुहारै फेरौंला’

काठमाडौँ– नेपाल किसान महासंघ जिल्ला कार्यसमिति चितवनद्वारा २२ औं राष्ट्रिय धान दिवसको अवसरमा आयोजित असार १५ तथा राष्ट्रिय धान दिवसको विशेष कार्यक्रम सम्पन्न भएको छ ।

सो अवसरमा नेपाली कांग्रेस बागमती प्रदेश सभापति ईन्द्रबहादुर बानियाँले धान रोपेका छन् ।

चितवनको भरतपुर महानगरपालिका– १७ मा नेपाली काङ्ग्रेस बागमती प्रदेश सभापति ईन्द्रबहादुर बानियाँको प्रमुख आतिथ्यतामा उक्त कार्यक्रम सम्पन्न भएको थियो ।

कार्यक्रममा विभिन्न किसान संघ तथा स्थानीय नागरिकहरूको ठूलो उपस्थिति थियो, जसमा बानियाँ ज्युको नेतृत्व र कृषि क्षेत्रमा गरिएको योगदानको प्रशंसा गरियो।

नेता बानियाँले कृषकहरूको लागि स्थायी योजना र नीति निर्माणमा आफ्नो पूर्ण समर्पण व्यक्त गर्दै, ‘हामी सबै मिलेर कृषकहरूको जीवनस्तर उकास्नका लागि काम गर्ने छौं।’