– फुर्वा शेर्पा
ADVERTISEMENT
मिडिया, प्रोफेशनल अडियो–भिजुअल (Pro AV) तथा अन्तरिक्ष प्रविधिमा केन्द्रित विश्वस्तरीय प्रदर्शनी तथा सम्मेलन CABSAT, Integrate Middle East, र SATExpo Middle East 2025 ले यस वर्ष ३२ हजार भन्दा बढी अन्तर्राष्ट्रिय सहभागीहरूको उल्लेखनीय उपस्थिति सहित आफ्नो भव्य समापन गरेको छ। तीनै प्रदर्शनीहरू १३–१५ मे २०२५ सम्म दुबई वर्ल्ड ट्रेड सेन्टर (DWTC) मा आयोजना गरिएको थियो।
ADVERTISEMENT
म स्वयंले पनि यस्ता विशिष्ट कार्यक्रमको प्रत्यक्ष अनुभव गर्न पाएकोमा गर्व गर्छु। यस्ता मञ्चले विश्वभरिका मिडिया नवप्रवर्तनहरू मात्र होइन, नेपालजस्ता मुलुकका सर्जकहरूका लागि पनि नयाँ सम्भावनाको ढोका खोलिदिन्छ।
अन्तर्राष्ट्रिय सहभागिता र नवप्रवर्तनको संगम
उक्त प्रदर्शनीमा १२० भन्दा बढी मुलुकबाट आएका ८२० भन्दा बढी ब्रान्ड तथा १९० जना उच्चस्तरीय वक्ताहरू सहभागी थिए। चीन, फ्रान्स, जर्मनी, बेलायत लगायत देशका विशेष राष्ट्रिय पविलियनले कार्यक्रमको आकर्षण थपेका थिए। प्रविधि, रचनात्मकता र सहकार्यको संगमजस्तै बनेको यो त्रैवार्षिक आयोजना तीनवटा छुट्टाछुट्टै क्षेत्रीय सम्मेलनको रूपमा सम्पन्न भयो:
CABSAT 2025 (३१औं संस्करण)
प्रसारण, सामग्री निर्माण र AI-प्रविधिको क्रान्ति
यस संस्करणमा विशेष गरी AI आधारित पूर्णतः स्वचालित ब्रड्कास्ट प्रणाली (जस्तै SI Media को Costanza AI) प्रदर्शित गरियो। Content Congress मा भविष्यको खेलकुद प्रसारणबारे महत्वपूर्ण छलफल भयो, किनभने MENA क्षेत्रको खेल मिडिया बजार २०२७ सम्ममा ६.५ अर्ब अमेरिकी डलर पुग्ने अनुमान गरिएको छ।
मिडिया प्रोफेशनलका रूपमा मैले यहाँ नेपालमा अपनाउन सकिने विभिन्न डिजिटल समाधानहरू प्रत्यक्ष अवलोकन गर्ने अवसर पाएँ। यी प्रविधिहरूले हाम्रो सामग्री उत्पादनको स्तर र कार्यक्षमता उल्लेखनीय रूपमा बढाउन सक्छन्।
Integrate Middle East 2025 (तेस्रो संस्करण)
Pro AV र स्मार्ट सिटी इन्फ्रास्ट्रक्चर
AI-समर्थित वायरलेस माइक्रोफोनदेखि स्मार्ट भेन्यु प्रविधिहरू, अनुकूली डिजिटल साइनज र इमर्सिभ अडियो–भिजुअल टुलहरूसम्मका नवप्रवर्तन यहाँ प्रस्तुत गरिए। खासगरी BOYA को विश्वकै पहिलो AI माइक सिस्टम उल्लेखनीय रह्यो।
शहरी प्रविधिमा चासो राख्ने सर्जकका लागि यो खण्ड निकै उपयोगी रह्यो, किनभने Pro AV प्रविधिहरू अब स्मार्ट सिटी निर्माणको आधार बनिरहेका छन्।
SATExpo Middle East 2025 (प्रथम संस्करण)
अन्तरिक्ष, स्याटेलाइट र दिगोपन
स्याटेलाइट प्रविधिमा भइरहेको नवीनतम AI इन्फ्युज्ड प्रविधिबाट लिएर Eutelsat को स्याटेलाइट कनेक्टिभिटीमा आधारित eSports Racing कार्यक्रम सम्म, धेरै अविश्वसनीय अनुभवहरू साझा गरिए। Astroscale की VP Aya Iwamoto ले कक्षीय दिगोपनबारे महत्वपूर्ण प्रस्तुतिमा संलग्न भइन्।
यस खण्डमा मैले अन्तरिक्ष प्रविधि र डिजिटल सञ्चारको भविष्य कसरी एक–आपसमा जोडिन थालेका छन् भन्ने गहिरो बुझेँ।
रणनीतिक साझेदारी र सहकार्यको नयाँ युग
कार्यक्रममा विभिन्न MoU (समझदारीपत्रहरू) पनि हस्ताक्षर भए, जसमा Arabsat र Grass Valley को सहकार्य उल्लेखनीय रह्यो। Co-Production Salon मार्फत विभिन्न निर्माता, OTT प्लेटफर्म र ब्रान्ड प्रतिनिधिहरूबीच सहकार्यका सम्भावनाहरू उजागर गरियो।
म स्वयंले पनि विभिन्न अन्तर्राष्ट्रिय सामग्री निर्माता र प्रविधि प्रदायकहरूसँग भेटघाट गर्ने अवसर पाएँ, जसले आगामी परियोजनाहरूमा सहकार्यको ढोका खोल्न सक्छ।
नेपालका लागि पनि सम्भावनाको भव्य मञ्च
CABSAT 2025 मात्र प्रविधिको प्रदर्शनी होइन, यो एक ग्लोबल नवप्रवर्तन र सहकार्यको केन्द्र हो। नेपालजस्ता देशका मिडिया व्यवसायी, फिल्म निर्माता र डिजिटल कन्टेन्ट क्रिएटरका लागि यस्ता मञ्च नयाँ दृष्टिकोण, सञ्जाल र प्रविधिमा पहुँचको सुनौलो अवसर हुन्।
आगामी संस्करण २०२६ मे २०–२२ मा पुनः आयोजना हुने निश्चित भइसकेको छ, र मलाई विश्वास छ — म लगायत नेपाली सर्जकहरू यस्ता अन्तर्राष्ट्रिय मञ्चमा अझ मजबूतीका साथ उपस्थित हुनेछौं।
