‘स्वास्थ्यकर्मी कुट्न पाइँदैन’ भन्दै शनिबार पनि सडकमा चिकित्सक

काठमाडौँ — चिकित्सक तथा सम्पूर्ण स्वास्थ्यकर्मीको सुरक्षा प्रत्याभूति गर्नुपर्ने भन्दै चिकित्सकले निरन्तर विरोध प्रदर्शन गरेका छन् । सरकारी कार्यलयहरु बन्द भएको समयमा पनि शनिबार काठमाडौँको माइतीघरमा उनीहरुले प्रदर्शन गरे ।

प्रदर्शनमा उनीहरूले ‘स्वास्थ्यकर्मी कुट्न पाइँदैन’, ‘शान्ति सुरक्षा कायम गर’ जस्ता नारा लगाएका थिए ।

विभिन्न जिल्लामा स्वास्थ्यकर्मीमाथि आक्रमण गरिँदा पनि राज्यले यो विषयमा कुनै चासो नदेखाएपछि बाध्यतावश सडकमा आउनु परेको उनीहरुको भनाई छ ।