जावलाखेलमा ‘जुत्ता चप्पल दशैं महोत्सव’ सुरु : सुपथ मूल्यमा ३ हजार बढी डिजाइनका जुत्ता चप्पल !

काठमाडौँ – नेपाल जुत्ता चप्पल उत्पादक संघले आयोजना गरेको  ‘जुत्ता चप्पल दशैं महोत्सव २०८०’ सुरु भएको छ ।

स्वदेशी उत्पादनलाई प्रवर्द्धन गर्ने उद्देश्यले ललितपुरको जावलाखेलमा आयोजना गरिएको महोत्सवको बुधबार ललितपुर महानगरपालिकाकी उपप्रमुख मन्दिरा शाक्यले उद्घाटन गरेकी हुन् ।

असोज १० गतेबाट कार्तिक ४ गतेसम्म चल्ने महोत्सवमा नयाँ ब्रान्ड तथा डिजाइनका ३ हजार बढी मोडलका जुत्ता चप्पल रहेको बताईएको छ । ग्राहकहरुले कम्पनीका बिभिन्न जुत्ता चप्पलहरु सुपथ  मुल्यमा खरिद गर्न सक्ने आयोजकले जानकारी दिएको छ ।

उद्घाटन समारोहमा बोल्दै उपप्रमुख शाक्यले नेपाली जुत्ता चप्पललाइ प्रवर्द्धन गर्नु पर्नेमा जोड दिएकी छन् । उनले रास्ट्रिय उत्पादनलाई प्रवर्द्धन गर्न महानगरको साथ रहेको बताउँदै स्वदेशमा उत्पादन नबढाएसम्म देशको विकास नहुने बताईन् ।

‘बाहिरको सामान आयात गरेर पैसा बाहिर पठाएसम्म देश आत्मनिर्भर हुँदैन,’ उनले भनिन्, ‘यसलाई बुझेर स्वदेशी उत्पादनलाई प्रवर्द्धन र विकास गर्नुपर्छ ।’ उनले राष्ट्रिय उत्पादनलाई सबैले उपभोग गर्नसमेत आगह गरिन् ।

घिमिरेका अनुसार जुत्ता चप्पलको श्रेत्रमा करिब १६ करोडको जुत्ता चप्पल उत्पादन गर्न सक्ने क्षमता रहेको छ । उनले बाहिरबाट आउने जुत्ता चप्पलको आयात रोकेर स्वदेशी उत्पादनलाइ प्रवर्द्धन गर्नु पर्नेमा जोड दिए ।

‘राज्यले यो क्षेत्र प्राथमिकतामा राख्यो भने अशिक्षितलाई पनि जुत्ता चप्पल सम्बन्धि तालिम दिएर रोजगारीको सिर्जना गर्न सकिन्छ’, घिमिरेले भने ।

स्वदेशी उत्पादनहरुलाई प्रवर्द्धन गर्ने गरी गरिएको मेलाले देशको समृद्धिका लागि सहयोगीसिद्ध हुने आयोजकको विश्वास छ ।