मुलुकको आर्थिक विकास र समृद्धिको लागि एमाले आवश्यक : उपाध्यक्ष पोखरेल

काठमाडौ– नेकपा एमालेका वरिष्ठ उपाध्यक्ष ईश्वर पोखरेलले मुलुकको आर्थिक विकास र समृद्धिको लागि एमालेको सरकार आवश्यक रहेको बताएका छन् ।

शुक्रबार काठमाडौंमा बागमती प्रदेशस्तरिय बृहत सहकारीकर्मी भेलालाई सम्बोधन गर्दै पोखरेलले विकास र समृद्धिलाई यसपनि एमाले सरकारले अघि बढाएकाले अव पनि यसलाई निरन्रता दिन एमालेकै सरकार आवश्यक पर्ने बताएका हुन् ।

उनले औधोगिक क्षेत्र, राजमार्ग, अस्पताल लगाएतका पूर्वाधारको निर्माणको थालनी एमाले नै गरेको दावी गरे । त्यस्तै पोखरेलले अहिलेको मुख्य कार्यभार राजनीति स्थायित्व रहेकाले पनि राजनीतिक स्थायीत्व नभई देश अघि बढ्न नसक्ने तर्क गरे । राष्ट्रियहितको रक्षा, भ्रष्टचारको अन्त्य, सामाजिक सुरक्षा लगाएतका एजेण्डा एमालेको भएको उनको भनाई छ ।

उनले एमालेको सरकार बनेपछि समृद्ध नेपाल सुखी नेपालीको नाराले साकार रुप लिने धारणा राखे ।