नेपाल परिवार दलका अध्यक्ष भारत भ्रमणमा

काठमाडौँ– नेपाल परिवार दलका अध्यक्ष तथा पूर्व मन्त्रि एकनाथ ढकाल ३ दिने भ्रमणको लागी सोमबार न्यू दिल्ली प्रस्थान गरेका छन्। नेता ढकालले दिल्ली स्थित ‘कन्ष्टिटुशन क्लब अफ इंडिया’ मा आयोजित विशेष कार्यक्रमलाई सम्बोधन गर्न उनी भारत गएको उनको सचिवालयले जनाएको हो ।

तीन दिन भारत बसाईका क्रममा अध्यक्ष ढकालले भारतीय नेताहरुसंग आपसी हित र विश्व शान्तिको बारेमा छलफल गर्ने भ्रमण दलका सदस्य तथा परिवार दलका महामन्त्री सन्तोष पौडेलले जानकारी दिए। ढकाल ‘इन्टरनेश्नल एशोशिएशन अफ पार्लियामेनटरिएन फर पिसू एशिया प्याशिफिक’ का अध्यक्ष समेत हुन्।

हालै सम्पन्न स्थानीय तहको निर्बाचनमा ढकाल नेतृत्वको नेपाल परिवार दलले नेकपा एमाले संग तालमेल गरेको थियो। निर्वाचन लगतै अध्यक्ष ढकालको भारत भ्रमणलाई नेपाली राजनीतिमा अर्थपूर्ण रुपमा हेरिएको छ । ढकालको भारतका उच्च स्तरीय नेताहरुसँग राम्रो सम्बन्ध छ ।