बझाङको जयपृथ्वी नगरपालिकामा गठबन्धनको जित

काठमाडौं – बझाङको जयपृथ्वी नगरपालिकाको प्रमुख पदमा गठबन्धनका उम्मेदवार निर्वाचित भएका छन्। गठबन्धनका कांग्रेस उम्मेदवार चेतराज बजाल नगरपालिकाको प्रमुख पदमा निर्वाचित भएका छन् ।

बजाल ४ हजार ९७० मत प्राप्त गर्दै प्रमुख पदमा निर्वाचित भएका छन्। उनका प्रतिस्पर्धीका रुपमा देखिएका नेकपा एमालेका सुरतबहादुर सिंहले ३ हजार ४९९ मत प्राप्त गर्दै पराजित भएका छन्।

त्यस्तै, नगरपालिकाको उपप्रमुख पदमा पनि गठबन्धनकै जित भएको छ। गठबन्धनका लागि माओवादीका उम्मेदवार रतन बहादुर सिंह उपप्रमुख पदमा निर्वाचित भएका छन्।

उनले ४ हजार ६२७ मत ल्याएका छन्। उनका प्रतिस्पर्धि रहेकी जमुना कुमारी चन्द ९सिंह०ले भने ३ हजार ३९१ मत प्राप्त गरेकी छिन्।