काठमाडौँ– ५० जनाभन्दा बढी स्वास्थ्यकर्मी संक्रमित भएपछि शुक्रराज ट्रोपिकल तथा सरुवा रोग केन्द्र, टेकु अस्पतालमा नियमित रुपमा सञ्चालन हुर्दैँ आएको खोप अभियान केहि दिनका लागि स्थागित भएको छ ।
अस्पतालले आइतबार एक विज्ञप्ति जारी गर्दै ५० जनाभन्दा बढी कोभिड–१९ खोप सञ्चालनमा संलग्न चिकित्सक, स्वास्थ्यकर्मी तथा कर्मचारीमा कोरोना संक्रमण पुष्टि भएपछि केहि दिन खोप अभियान स्थागित गरिने जानकारी दिएको हो । तत्कालका लागि भोलि सोमबारदेखि माघ १६ गतेसम्म खोप वितरण नगर्ने अस्पतालले जनाएको छ ।
गत १९ मंसिरदेखि नै अस्पतालले स्वास्थ्य तथा जनसंख्या मन्त्रालयको निर्देशनमा विदेश जानका लागि आवश्यक जोन्सन एण्ड जोन्सन खोप संगै अन्य कोरोना विरुद्धका खोपहरु नियमित रुपमा सञ्चालन गर्दै आएको थियो । दैनिक ५ सय देखि ७ सयसम्म खोप वितरण गर्दै आएको अस्पतालमा पछिल्लो समय कोरोना संक्रमणको ह्वात्तै वृद्धि र सरकारले खोप कार्डको अनिवार्यता गरेसंगै खोप लगाउनेको संख्या वृद्धि भएर ३ हजार देखि ३५ सम्म पुग्न थालेको थियो ।
यद्यपि अस्पतालले भने दैनिक लाइनमा बसेका सबैलाई खोप वितरण गरेको अस्पतालका निर्देशक डा. मनिषा रावलको दाबी छ ।