काठमाडौँ – नेकपा एमालेका अध्यक्ष केपी शर्मा ओलीले अन्योलग्रस्त राजनीतिलाई अन्त्य गरेर देशलाई सही बाटोमा लैजान ताजा जनादेशमा जानुपर्ने बताएका छन् ।
ADVERTISEMENT
काठमाडौंको थापाथलीस्थित पार्टी केन्द्रीय कार्यालयमा शुक्रवार पदबहाली गर्दै ओलीले देशलाई थप अन्यौलतातर्फ जान नदिनका लागि ताजा जनादेशमा जानुपर्ने बताएका हुन् । गठबन्धनको सरकारबाट देश चल्न नसकेको आराप लगाउदै उनले मुलुकमा गतिहिनता पैदा भएको टिप्पणी गरे । ओलीले सरकार चौतर्फी असफल भएको आरोप पनि लगाए ।
ADVERTISEMENT
त्यस्तै ओलीले अदालतमा देखिएको समस्या सत्तारुढ पाँच दलको गठबन्धनको विसंगतिका कारण भएको बताए । गलत फैसला गराउने र आफै हुर्मत लिने कार्यपालिकाको कामले न्यायपालिकालाई बर्वाद गरेको उनको भनाई छ । त्यस्तै उनले आफुहरुले राखेका विषय अझैपनि सम्बोधन नभएकाले संसदमा विरोध कायमै रहने स्पष्ट पारे ।
अध्यक्ष ओलीले पार्टीको महाधिवेशन सफल भएको र जनसहभागिताबाट पार्टीमा थप उर्जा आएको बताए । चितवनमा सम्पन्न भएको एमालेको १० औं महाधिवेशनबाट अध्यक्ष ओली पुनः अध्यक्षमा निर्वाचित भएका हुन् । त्यस्तै शुक्रबार नै एमालेका अन्य पदाधिकारीले पनि पदभार ग्रहण गरेका छन् ।
