प्रधानन्यायाधीशको राजीनामा माग्दै आज पनि सर्वोच्चमा बारको धर्ना

काठमाडौँ –  प्रधानन्यायाधीश चोलेन्द्रशम्शेर जबराको राजीनामा माग गर्दै नेपाल बार एसोसिएसनले सोमबार पनि धर्ना दिएको छ ।

तेस्रो चरणको आन्दोलनअन्तर्गत सोमबार पनि वकिलहरू सर्वोच्च परिसरमा धर्नामा बसेका हुन् । सोमबार सर्वोच्च परिसबाट न्यायलयको सुरक्षाका लागि भन्दै खटाइएका दंगा प्रहरीलाई हटाइएको थियो । धर्नाका क्रममा उनीहरुले प्रधानन्यायधिशविरुद्ध चर्का नारा लगाएका थिए ।

धर्नापछि बारमा आयोजित विरोध सभामा बारमा अध्यक्ष चण्डेश्वर श्रेष्ठले प्रधानन्यायाधीशकै कारणबाट भ्रष्टचार व्याप्त भएको राजीनामाको विकल्प नरहेको बताए । सेवाग्राहीहरुलाई तीन वर्षदेखि अदालतमा भइरहेको अन्याय अव हुन नदिने उनको भनाई छ । उनले प्रधानन्यायाधीशले विचौलियामार्फत फाइदा हुने मुद्धामात्र हेर्ने गरेको आरोप लगाए।

नेपाल बार एसोसिएसनको अगुवाईमा न्यायालयमा भष्ट्राचार , दलिय भागबन्डा गरेकोलगायतका आरोप लगाउँदै प्रधानन्यायाधीश राणाको राजीनामा माग गर्दै कानुन व्यवसायीहरु तीन सातादेखि आन्दोलनमा छन् ।