काठमाडौँ –  गैरआवासीय नेपाली संघ (एनआरएनए) आगामी नेतृत्वको लागि डा. बद्री केसीले उम्मेद्वारी घोषणा गरेका छन् ।


ADVERTISEMENT


मंगलबार काठमाडौंमा समृद्धि र रुपान्तरण, हाम्रो साझा अभियान भन्ने नारासहित केसीले आगामी नेतृत्पका लागि उम्मेद्वारीको घोषणा गरेका हुन् । उम्मेद्वारी घोषणा गर्दै केसीले वैदेशिक रोजगारीका लागि मानवअधिकार र सुरक्षाको प्रत्याभूत भएका देशहरूसँग साझेदार गर्ने बताए ।


ADVERTISEMENT

# # #


त्यस्तै उनले गैरआवासीयलाई नागरिकता दिलाउने, गैरआवसीय नेपालीको लगानी नेपाल भित्राउने लगायतका प्रतिवद्धता जनाएका छन् । आफू अध्यक्षमा निर्वाचित भए श्रमिकको पैसाले श्रमिककै लागि श्रम बैंक खोल्ने, एनआरएनए फाउन्डेसनको संरचना नेपालका सातै प्रदेशमा विस्तार गर्ने, एनआरएनए र नेपाल सरकारबीच थप प्रगाढ सम्बन्ध स्थापित गर्ने लगाएतका काम गर्ने उहनले बताए ।

बर्तमान कार्यसमिति उपाध्यक्ष समेत रहेका केसीले यसअघि आफुले अघि सारेका कामलाई पूरा गर्नका लागि अध्यक्षमा उम्मेदवारी दिने निर्णयमा पुगेको धारणा राखे ।

गैरआवासीय नेपाली संघ (एनआरएनए) १० औं महाधिवेशमार्फत नयाँ नेतृत्वको लागि कुल आचार्य र रबीना थापाले पनि यसअघि नै उम्मेद्वारी घोषणा गरिसकेका छन् ।