परराष्ट्रमन्त्री भन्छन्, एमसीसी पास हुन राष्ट्रिय सहमति अवश्यक छ

न्यूयोर्क – परराष्ट्रमन्त्री नारायण खड्काले राष्ट्रिय सहमति गरेर एमसीसी पारित गरिनुपर्ने औंल्याएका छन् ।
संयुक्त राष्ट्र संघको महासभामा भाग लिन गएका परराष्ट्रमन्त्री खड्काले न्यूयोर्कमा नेपाली समुदायसँगको अन्तरक्रिया कार्यक्रममा यस्तो बताएका हुन् ।

साथै उनले दलीय सहमतिको आधारमा एमसीसी पारित हुनपर्ने पनि जिकीर गरेका छन् । न्यूयोर्कमा नेपाली समुदायसँगको अन्तक्र्रिया कार्यक्रममा खड्काले भने, “सबै दल बसेर छलफल गरौँ, हामीलाई चाहिने हो भने पारित गरौँ नभए नगरौँ ।’

एमसीसीबारे कतिपय भ्रम समेत रहेको बताउँदै उनले त्यसलाई सरकारले प्रस्ट पार्न कोसिस गर्ने बताए ।

एमसीसीलाई धेरै गिजोल्नतिर लाग्न नहुने बताउँदै उनले यो एक दलले मात्र गरेर नहुने बताए । “सरकार वा कुनै एक दलले मात्र चाहेर एमसीसी पारित हुने अवस्था छैन । यसमा राष्ट्रिय सहमति अवश्यक छ,” उनले भने ।