ह्याम्समा ३ महिने क्रिटिकल केयर नर्सिङ तालीम शुरु

काठमाडौँ – धुम्बाराहीस्थित ह्याम्स अस्पतालमा तीन महीने क्रिटिकल केयर नर्सिङ तालीम शुरू भएको छ । आइतवारदेखि १० औँ ब्याचअन्तर्गतको तालीम शुरु भएको हो ।

तालीममा अस्पतालमा कार्यरत तथा नर्सिङ पास गरेर बसेका अन्य नर्सिङ स्टाफहरु सहभागी भएका छन् ।

तालीमा का लागि अस्पतालले फागुन पहिलो साता आवेदन खुला गरेको थियो । आवेदन दिएकामध्येबाट लिखित परीक्षा र अन्तवार्ताबाट अस्पतालले ३१ नर्स तालीमका लागि छनोट गरेको थियो । तालीममा क्रिटिकल नर्सिङमा चासो भएका देशभर विभिन्न अस्पतालहरुमा कार्यरत नर्सहरु सहभागी छन् ।

तालीमका लािग अस्पतालले नर्सिङ एशोसिएसन अफ नेपाल (सिसिनान)सँग सहकार्य गरी क्रिटिकल नर्सिङसम्बन्धी विशेष पाठ्यक्रम तयार गरेको छ ।

तालीमको उद्घाटन गर्दै अस्पतालका अध्यक्ष आरएस भण्डारीले यस तालीमले देशको क्रिटिकल केयर नर्सिङलाई थप व्यवस्थित बनाउने विश्वास गरेको बताए ।

उद्घचाटन समारोहमा नेपाल मेडिकल काउन्सिलका अध्यक्ष प्रा.डा. भगवान कोइराला, आईसीयु विज्ञ प्रा.डा. अर्जुनबहादुर कार्की, नेपाल मेडिकल एशोसिएसनका अध्यक्ष डा. लोचन कार्की सिसिनानकी अध्यक्ष लक्ष्मी केसी लगायतको उपस्थिति रहेको थियो ।