भारतीय गृहमन्त्री अमित शाहलाई कोरोना संक्रमण

काठमाडौँ – भारतका केन्द्रीय गृहमन्त्री अमित शाहलाई कोरोना भाइरस (कोभिड–) संक्रमण पुष्टि भएको छ । आइतबार एक ट्वीट गर्दै अमित शाहले आफूमा कोरोना संक्रमण भएको पुष्टि भएका हुन् ।

कोरोनाका शुरूआती लक्षण देखिएपछि परीक्षण गराएको र रिपोर्ट पोजेटिभ आएको उनले बताएका छन् । उनले आफ्नो स्वास्थ्य ठीक रहेको र डाक्टरको सल्लाह अनुसार आफू अस्पताल भर्ना भएको पनि जानकारी गराएका हुन् ।

उनले गत केही दिनमा आफूसँग सम्पर्कमा आएका व्यक्तिहरुलाई सेल्फ आइशोलेसनमा बस्न पनि अनुरोध गरेका छन् । अमितले ट्वीटरमा भनेका छन्, ‘कोरोनाका शुरूआती लक्षण देखिएपछि मैँले टेस्ट गराएको थिएँ र रिपोर्ट पोजेटिभ आएको छ । मेरो स्वास्थ्य अवस्था ठीक छ । यद्यपी डाक्टरको सल्लाह अनुसार अस्पताल भर्ना हुँदैछु । मेरो अनुरोध छ कि तपाईमध्ये जो कोही केही दिनमा मेरो सम्पर्कमा आएको भए कृपया आफूलाई सेल्फ आइशोलेसनमा राख्नुहोला ।’

उनमा कोरोना देखिसँगै प्रसंसकले शीघ्र स्वास्थ्यलाभको कामना गरिरहेका छन् ।

कोरोना के शुरूआती लक्षण दिखने पर मैंने टेस्ट करवाया और रिपोर्ट पॉजिटिव आई है। मेरी तबीयत ठीक है परन्तु डॉक्टर्स की सलाह पर अस्पताल में भर्ती हो रहा हूँ। मेरा अनुरोध है कि आप में से जो भी लोग गत कुछ दिनों में मेरे संपर्क में आयें हैं, कृपया स्वयं को आइसोलेट कर अपनी जाँच करवाएं।

— Amit Shah (@AmitShah) August 2, 2020