सशस्त्र प्रहरी स्कुलमा भारतद्वारा छात्रावास भवन निर्माण

काठमाडौं । भारत सरकारले सशस्त्र प्रहरी बल (एपीएफ) का लागि सहयोग गर्दै स्कुल भवन निर्माण सम्पन्न गरिएको छ । भारतीय राजदूतावासका नियोग उप–प्रमुख डा. अजय कुमारले आईतबार काठमाडौं जिल्लाको कीर्तिपुरस्थित नेपाल ए.पी.एफ.स्कुलका छात्राहरुका लागि निर्माण गरिएको छात्रावास भवनको औपचारिक रुपमा उद्घाटन गरेका हुन् ।

Mr. Ramesh Maharjan, Mayor of Kirtipur Nagarpalika, Ms. Saraswoti Khadka, Deputy Mayor of Kirtipur Nagarpalika, नेपाल सशस्त्र प्रहरी बलका अतिरिक्त महानिरीक्षक रामशरण पौडेल लगायत राजनीतिक, सामुदायिक नेतृत्वकर्ताहरुको उक्त उद्घाटन समारोहमा उपस्थिति रहेको थियो ।

सन् २००५ मा स्थापित यस नेपाल ए.पी.एफ.स्कुल नेपाल सशस्त्र प्रहरी बल अन्तर्गत रहेको सशस्त्र प्रहरी बल कल्याणकारी सेवा केन्द्रद्वारा निर्माण गरिएको शैक्षिक संस्था हो । यो विद्यालय काठमाडौंको कीर्तिपुर नगरपालिका चम्पादेवी–७ मा अवस्थित छ जसमा २१ प्रतिशत भन्दा बढी छात्राहरु रहेका छन् । यो परियोजनाको कार्यान्वयन नेपाल सशस्त्र प्रहरी बलले गरेको हो ।

भारत सरकारको ४.०४२ करोड नेपाली रुपैंया अनुदान सहयोगमा निर्मित यस दई तल्ले नयाँ संरचनामा वार्डेनका लागि एउटा छुट्टै कक्ष, शयन कक्ष, प्रत्येक तलामा छात्राका लागि फर्निचरका साथै स्नानघर, सरसफाईको सुविधा सहित ३२ वटा कोठाहरु रहेका छन् ।

यस नवनिर्मित संरचनाले विद्यार्थीहरुको सिकाई वातावरणलाई अभिवृद्धि गर्ने अपेक्षा गरिएको छ । उक्त परियोजनासँग जोडिन पाएकोमा खुशी व्यक्त गर्दै शिक्षाको क्षेत्रमा पूर्वाधार अभिवृद्धि गर्न नेपाल सरकारले गरेको प्रयासको भारतले सराहना समेत गरेको छ ।