बैंकहरुको निक्षेपकोे अनुपात बढेपनि कर्जा प्रवाह हुन सकेन : अर्थमन्त्री पौडेल

काठमाडौँ– बैंकहरुको कर्जा प्रवाहमा समस्या रहेको उपप्रधान एंव अर्थमन्त्री विष्णु पौडेलले बताएका छन् ।

कृषि विकास बैंक लिमिटेडको ५८ ‍‍औं वार्षिकउत्सव कार्यक्रममा बोल्दै अर्थमन्त्री पौडेलले बैंकहरुको निक्षेपकोे अनुपात बढेपनि कर्जा प्रवाह हुन नसकेको बताएका हुन् ।

अर्थमन्त्री पौडेले कृषि उत्पादन, उत्पादकत्व र रोजगारी सिर्जनामा बैकंहरुले लगानी गर्नुपर्नेमा जोड दिनुभयो।उँहाले बैंकको व्यवस्थापन र कर्मचारीबीचको सम्बन्ध सुमधर हुन नसक्दा उद्देश्य हासिल हुन नसकेको जनाए ।

उनले बैंकको क्षमता, सामथ्र्य र प्रतिष्ठा पहिलो प्राथमिकतामा राखी कार्यसुची बनाई अगाडि बढ्न सबै कर्मचारीहरुलाई आग्रह गर्नुभयो।बैंक प्रभावकारी रुपमा अगाडि बढ्दा समग्र कर्मचारीकै प्रतिष्ठामा वृद्धि हुने उनको भनाई छ । कार्यक्रममा नेपाल राष्ट्र बैंकका गर्भनर महाप्रसाद अधिकारीेले बैंकहरुमा अराजक प्रवृत्ति मौल्याँएको बताए ।

ऋण लिइसकेपछि तिर्दिन भन्ने परिपाटी विकास हुँदा अर्थतन्त्रमा केही समस्या देखिएको उनले भनाई छ । यद्यपि यसका बाबजुद पनि समग्र मुलुकोे अर्थतन्त्र सुधारउन्मुख रहेको उनको उल्लेख गरे ।

मुलुकको राजस्व, तरलतामा वृद्धि वित्तीय व्यवस्थापनमा सुधार भइरहेको गर्भनर अधिकारीले सुनाए । उक्त अवसरमा कार्यसम्पादनमा उत्कृष्ट रहेका कृषि बैंकका कर्मचारीहरुलाई सम्मान गरिएको थियो ।