राष्ट्रपति सी आउनु अघि नै किन आयो चिनियाँ जहाज ?

काठमाडौं । चिनियाँ राष्ट्रपति सी जिनपिङको नेपाल भ्रमण पूर्व परीक्षण उडानका लागि चिनियाँ जहाज काठमाडौंमा आएको छ ।

चीनबाट परीक्षण उडानका लागि आएको विमान दिउँसो १.३० मा काठमाडौं अन्तर्राष्ट्रिय विमानस्थल उत्रिएको छ ।

विमानस्थलको अवस्था निरीक्षण र परीक्षण गर्न विमान काठमाडौं आएको नेपाल नागरिक उड्ययन प्राधिकरण स्रोतले बताएको छ । ‘रन-वे र ट्याक्सी वेको परीक्षणका लागि विमान आएको हो,’ प्राधिकरणका एक अधिकारीले भने, ‘विमानस्थल वरपरको हवाई सुरक्षा लगायकतका विषयमा चिनियाँ टोलीले निरीक्षण गर्दैछ ।’