जाजरकोट– यहाँको त्रिवेणी नलगाड नगरपालिकाका जनप्रतिनिधिले पहिलो बैठकको भत्ता बिरामीलाई दिने निर्णय गरेका छन् ।
नगरपालिकाका ७१ जना जनप्रतिनिधिले सामुदायिकरुपमा भत्ता बिरामीलाई उपचारका लागि दिने निर्णय गरेको नगरपालिकाका प्रमुख टेकबहादुर रावलले जानकारी दिए।
आर्थिक अवस्था कमजोर भएका यस नगरपालिका वडा नं १३ का आकाश भण्डारी जीवन र मृत्युको बीचमा अस्पतालको शय्याबाट अर्काको घरमा बसेको थाहा पाएपछि यस्तो निर्णय गरिएको प्रमुख रावलले बताए ।
बिरामी भण्डारी नेपालगञ्जमा अर्थाभाव हुँदा अर्काको घरमा मृत्युसँग जुझ्दै बसिरहेका छन् विभिन्न सामाजिक कार्य गर्दै आएको यस नपाको पछिल्लो निर्णय प्रशंसनीय रहेको नागरिक अगुवा दीपबहादुर सुनारले बताए । प्रतिबैठकको भत्ता रु ५९५ हुने गर्छ ।