काठमाडौं – काठमाडौंको खुल्लामञ्चको बसपार्कमा आफूहरुले कानूनी तवरले नै सटर भाडामा लिएको व्यवसायीहरुले दाबी गरेका छन् । शुक्रबार रिपोर्टर्स क्लब नेपालमा पत्रकार सम्मेलन गर्दै उनीहरुले यस्तो दाबी गरेका हुन् ।
ADVERTISEMENT
केही दिनअघिमात्रै खुल्लामञ्चमा गैरकानूनी तवरले सटर निर्माण भैरहेको भनेर आएको समाचारको खण्डन गर्दै व्यवसायीहरुले आफूहरुले काठमाडौं भ्यु–टावर निर्माणाधिन कम्पनी जलेश्वर स्वछन्द विकोई विल्डर्स कम्पनीसँगको सहमतिमा सटर बनाएको स्पष्ट पारेका छन् ।
ADVERTISEMENT
खुल्लामञ्चमा सटर बनाएकामध्येका एक व्यवसायी रविन्द्र बिकले आफूहरु विगत तीन वर्षदेखि नै उक्त ठाउँमा फुटपाथमा व्यवसाय गर्दैै आएको सुनाए । उनले भने, ‘अहिले काठमाडौं भ्युटावर बनाउने क्रममा ठेकेदारले सटर बनाएको थाहा पाएपछि हामी फुटपाथबाट त्यहाँ सरेका छौं । हामीले कानूनी तवरले नै ठेक्का पाएको कम्पनीसँग सम्झौता गरेका छौं ।’
उनले आफूहरु र निर्माणधिन कम्पनीबीच आपसी सहमतिमा भाडा कायम गर्ने भद्र सहमति भएको पनि स्पष्ट पारे । उनले भने,‘बाहिर हामीले ठूलो रकम बुझाएर सटर भाडामा लिएका हौं भन्ने गलत समाचार आएका छन् । यसमा हाम्रो पर्याप्त ध्यानाकार्षण भएको छ। हामीले अहिलेसम्म कसैलाई पनि एक रुपैयाँ पैसा बुझाएका छैनौं ।’
त्यस्तै, कार्यक्रममा खुल्लामञ्चमै सटर बनाएका अर्का व्यवसायी झलक बिकले आफूहरु पहिलेदेखि नै खुल्लामञ्चकै सडकमा व्यापार÷व्यवसाय गर्दै आएको सुनाए । केही व्यवसायीहरुले आफूले हिजो सित्तैमा पाउँछु भन्ने आशाले समर्थन गरेको तर सित्तैमा नपाएपछि विरोध गर्न थालेको पनि उनले आरोप लगाए । उनले भने,‘सित्तैमा सटर नपाएपछि अहिले उहाँहरु भत्काउनुपर्छ भनेर हिँड्नुभएको छ।’
कार्यक्रममा बोल्दै अर्का व्यवसायी माधव चौलागाईले आफूहरु फुटपाथमा व्यापार÷व्यवसाय गर्ने व्यक्ति भएकोले अहिले ठेकेदारले व्यवस्थित् गरेको सुनाए ।
