एजेन्सी– पाकिस्तानी सेनाले भारतीय दुई विमान खसालेको दाबी गरेको छ । पाकिस्तानी सेनाका प्रवक्ता मेजर जनरल आसिफ गफूरले ट्वीट गरेर पाकिस्तानी वायू सेनाले पाकिस्तानको अन्तरिक्षमा प्रवेश गरेका दुई भारतीय विमान खसालेको दाबी गरेका हुन् ।
#Pakistanstrikesback #PAF undertook strikes across LoC from Pakistani airspace. Sole purpose of this action was to demonstrate our right, will and capability for self defence. We do not wish to escalate but are fully prepared if forced into that paradigm#PakistanZindabad
— Dr Mohammad Faisal (@ForeignOfficePk) February 27, 2019
उनले ट्वीटमा भनेका छन्, ‘आज बिहानै पाकिस्तानी वायू सेनाको आक्रमणको जवाफमा भारतीय सेनाले भारत–पाक नियन्त्रण रेखा (एलओसी) पार गर्यो । पाकिस्तानी वायु सेनाले पाकिस्तानी एयरस्पेसभित्र दुई भारतीय विमान खसालेको छ । एक विमान एक विमान आजाद जम्मूकश्मिरमा खस्यो भने दोस्रो भारतीय क्षेत्र कश्मिरमा । एक भारतीय पाइलटलाई गिरफ्तार गरिएको छ ।
तर पनि पाकिस्तानको यो दाबी कुनैपनि किसिमले पुष्टि हुन भने सकेको छैन । उता पाकिस्तानी विदेश मन्त्रालयका प्रवक्ता डा. मोहम्मद फैसलले पाकिस्तानी सेनाले भारत–पाकिस्तान नियन्त्रण रेखामा बमबारी गरेको बताएका छन् ।
In response to PAF strikes this morning as released by MoFA, IAF crossed LOC. PAF shot down two Indian aircrafts inside Pakistani airspace. One of the aircraft fell inside AJ&K while other fell inside IOK. One Indian pilot arrested by troops on ground while two in the area.
— Maj Gen Asif Ghafoor (@OfficialDGISPR) February 27, 2019
‘पाकिस्तान वायु सेनाले आफ्नो वायु सीमाभित्र रहेर अर्कोतिर बमबारी गरेको छ । यद्दपी यो भारतको हरकरतका विरुद्ध गरिएको जवाफी कारबाही थिए । यसकारण पाकिस्तानले गैर-सैन्य लक्ष्यलाई निसाना बनायो, ता कि जनधनको क्षती नहोस्’ उनले भनेका छन्, ‘यसको कारण आत्मरक्षाको अधिकार, इच्छाशक्ति र क्षमताको प्रयोग गर्नु थियो । हाम्रो यस टकराबलाई बढाउने कुनै मनसाय छैन । तर बाध्य पारियो भने हामी पूरै तयार छौँ ।’
भारतीय समाचार एजेन्सी पीटीआईका अनुसार बालाको हमलाको पछिल्लो दिन अर्थात् बुधबार पाकिस्तानका विमान भारतीय वायु सीमामा प्रवेश गरेका छन् । यस्तै अर्को समाचार एजेन्सी रोयटर्सले पनि पाकिस्तानी विमान भारतको प्रवेश गरेको बताएको छ ।
BREAKING: Indian Air Force jets intercepted Pakistan planes in Kashmir, planes went back – Indian official pic.twitter.com/JAupPDVEBQ
— Reuters India (@ReutersIndia) February 27, 2019
भारतले मंगलबार नै पुलावामा आक्रमणको मूख्य दोषी मानिएको जैश ए मोहम्मदको क्याम्प रहेको पाकिस्तानको बालाकोटमा एक हजार किलोको बम खसाल्दै भारतले ३५० चरमपन्थी मारेको दाबी गरेको थियो । तर पाकिस्तानले भने कुनै मानवीय क्षती नभई एक दर्जन रुख मात्रै ढलेको प्रतिक्रिया दिएको थियो ।