राजनारायण पाठकमाथि छाबिन गर्न तीन सदस्यीय अनुसन्धान टोली गठन

काठमाडौँ–  घुस प्रकरणमा मुछिएपछि राजिनामा दिएका अख्तियार दुरुपयोग अनुसन्धान आयोगका आयुक्त राजनारायण पाठकमाथि अख्तियारले छानविन गर्न तीन सदस्यीय अनुसन्धान टोली गठन गरेको छ । अख्तियारले मंगबार एकजना सहसचिवको नेतृत्वमा ३ सदस्यीय अनुसन्धान टोली गठन गरेको हो ।

अख्तियारको आज बसेको बैठकले आजदेखिनै विस्तृत अनुसन्धान गर्ने गरी टोली गठन गर्ने निर्णय गरेको हो ।

नेपाल इन्जिनियरिङ कलेजमा भएको अनियमितताको उजुरीमा छानबिन रोकिदिने भन्दै पाठकले सञ्चालकसँग ७८ लाख घुस लिएको आरोप लागेको छ । त्यसको भिडियो नै सार्वजनिक भएपछि उनले राजीनामा दिएका थिए । घुस खुवाउने पक्षले पाठकले घुस लिएको भिडियो सुरक्षा निकाय, दलका नेता र मिडियालाई लगेर बुझाएपछि यो प्रकरण बाहिर आएको हो।