काठमाडौं– काठमाडौंको अनामनगर र आसपासको क्षेत्र फेरि डुवानमा परेको छ । बुधबार धोवीखोलामा आएको बाढीको कारण डुबानमा परेको हो।
धोवीखोलाको बाढी सयौं घरमा बाढी पसेको छ । डुवानका कारण त्यस क्षेत्रको जनजीवन प्रभावित बनेको छ। घरको पहिलो तल्ला पुरै डुवानमा परेको हुदाँ दर्जनौ घरपरिवार विस्तापित भएका छन्।
धोविखोलामा बाढी आएर घर–घरमा पस्न थालेपछि कतिपय स्थानीय रातभर सुत्न सकेनन् । अहिले डुबान पीडितले घरभित्रका सामान निकाल्न र पानी निकाल्ने काम गरिरहेका छन् ।
गत साउन ३० गतेको आएका बाढीले पनि अनामनगर आसपासका क्षेत्र डुवानमा परेको थियो । हिलोसहित आएको पानीले सो क्षेत्रका बासिन्दाको घरभित्रसम्म पानी पस्दा धनमालको समेत क्षति पुगेको थियो ।