काठमाडौँ– ललितपुर महानगरपालिकाको मेयरमा नेपाली कांग्रेसका उम्मेद्वार चिरीबाबु महर्जनले आफ्नो अग्रता कायमै राखेका छन्।
पछिल्लो मत गणना अनुसार महर्जनले १०३०० मत पाएका छन्। यस्तै एमाले र राप्रपा गठबन्धनका संयुक्त उम्मेद्वार हरिकृष्ण व्यञ्जनकार ९८८० मतसहित कांग्रेसलाई पछ्याइरहेका छन्। यस्तै साझा पार्टीका उम्मेद्वार रमेश महर्जनले ४२८१ मत पाउँदा माओवादी केन्द्रका दीपेश महर्जनले १३५२ मत पाएका छन्।
उपमेयरमा पनि नेपाली कांग्रेसकै गीता सत्यालले ६ हजार १६२ मत ल्याएर अग्र स्थान कायम गरेकी छन् । दोस्रोमा भने साझ पार्टीकी शोभा शाक्य ३ हजार ८८२ मत ल्याएर गीता लाई पच्छ्याइरहेकी छन् ।
नेकपा एमाले र राप्रपाबीच तालमल भएपनि उपमेयरका लागि राप्रपाका बाबुकाजी थापा २१११ मत ल्याएर साझाकी शोभा लाई पच्छ्याइ रहेका छन् भने नेकपा माओवादी माओवादी केन्द्रकी हसिना शाक्य २ हजार मतका साथ चौथो स्थानमा छिन् ।