मिस नेपाल नै चेपाङ बस्तीमा पुगेपछि…

हेटौंडा–मिस नेपाल वर्ल्ड शृङखला खतिवडाले मकवानपुरको विकट चेपाङवस्तीमा स्वास्थ्य संस्था स्थापना गरिने बताएकी छन् ।

यही सिलसिलामा उनी मंगलबार कैलाश गाउँपालिका ७ भार्ता पुगिन् । उनले केही चेपाङ परिवारका घरमै पुगेर भलाकुसारी गरिन् । ३२ बर्षीया एक चेपाङ महिलाका ९ छोराछोरी रहेको सुन्दा उनले अचम्म मानिन् ।

मिस नेपाललाई भेट्न आएका अधिकांश चेपाङ युवतीको विवाह भइसकेको थियो । गाउँमा स्वास्थ्य संस्था नहुँदा त्यहाँका अधिकांश महिलाहरु असुरक्षित ढंगले घरमै सुत्केरी हुने गरेका छन् । – आजको कान्तिपुरबाट