रारा ताल क्षेत्रमा नेपाल टेलिकमको थ्रिजी सेवा सञ्चालन

काठमाडौँ– नेपाल टेलिकमले रारा ताल क्षेत्रमा थ्रिजी सेवा सञ्चालन गरेको छ । आफ्ना सेवालाई ग्राहकमैत्री र प्रविधिमैत्री बनाउन लागेकाले प्रमुख पर्यटकीयस्थल मुगुको रारा ताल क्षेत्रमा थ्रिजी सेवा सञ्चालनमा ल्याइएको हो ।

उक्त क्षेत्रमा सेवा प्रदान गरिएसँगै आन्तरिक तथा बाह्य पर्यटकलाई सूचना तथा सञ्चार क्षेत्रमा पहुँच बढ्ने र पर्यटन प्रवद्र्धनमा महत्वपूर्ण सहयोग पुग्ने बताइएको छ । साथै कम्पनीले यही वैशाख १ गतेदेखि नेपाल सरकारबाट सञ्चालित ‘।नयख।लउ।’ डोमिनका करिब पाँच सय ५०

वेबसाइट टेलिकमका जिएसएम मोबाइल सेवाबाट निःशुल्क प्रयोग गर्न पाउने व्यवस्था मिलाएको छ ।
आज आयोजित पत्रकार सम्मेलनमा कम्पनीकी प्रबन्ध निर्देशक कामिनी राजभण्डारीले नेपाल सरकारका वेबसाइट जिएसएम मोबाइल डाटा प्रयोग गरी स्वतन्त्र रुपमा ब्राउज गर्न सकिने जानकारी दिइन्।

कम्पनीले यही वैशाखदेखि आफ्नो कार्यालय समयमा ‘फेसबुक’ चलाउन नपाइने व्यवस्था गरेको टेलिकमका प्रवक्ता प्रतिभा वैद्यले जानकारी दिइन् । उनले आगामी आवमा चौथो पुस्ताको इन्टरनेट सेवालाई विस्तार गरिने, पुराना प्रणालीलाई नयाँमा स्थानान्तरण गरिनेजस्ता कार्यलाई प्राथमिकताका साथ अगाडि बढाइने बताइन् ।