काठमाडौं – रक्षामन्त्री ईश्वर पोखरेलसँग मंगलबार भारतीय राजदूत मन्जीव सिंह पुरीले भेट गरेका छन् । रक्षा मन्त्रालयमा भएको भेटमा पोखरेललाई बधाई दिँदै पुरीले कार्यकालको सफलताको कामना समेत व्यक्त गरे ।


ADVERTISEMENT


भेटका अवसरमा रक्षामन्त्री पोखरेलले नेपाली सेनाको क्षमता विकासको लागि भारत सरकारले पुर्‍याउदै आएको सहयोग र सदभाव प्रति आभार प्रकट गर्दै आगामी दिनमा समेत सहयोग निरन्तर रहने अपेक्षा व्यक्त गरे ।


ADVERTISEMENT

# # #


उनले दुवै देशका रक्षा मन्त्रालयस्तरमा र सैन्यस्तरको सम्वन्धलाई सुमधुर राख्न चाहेको कुरासमेत व्यक्त गरेका रक्षा मन्त्रालयले विज्ञप्तिमार्फत जानकारी दिएको छ ।

भारतीय राजदूत पुरीले नेपाली सेनाले सुरक्षाको क्षेत्रमा पुर्‍याएको अन्तर्राष्ट्रिय योगदानको सह्राहना गर्दै नेपाली सेनाको क्षमता अभिवृद्धिको लागि विभिन्न प्रकारको तालिम, उपकरण र अन्य विभिन्न क्षेत्रमा सहयोग निरन्तर रहने बताए ।