काठमाडौँ– नेपालका लागि नव नियुक्त भारतीय राजदूत मन्जिव सिंह पुरीले आज राष्ट्रपति विद्यादेवी भण्डारीसमक्ष आफ्नो ओहदाको प्रमाणपत्र प्रस्तुत गर्ने भएका छन् । नेपालका लागि भारतीय पूर्व राजदूत रणजित रायको कार्यकाल सकिएपछि पुरीको नाम नेपालका लागि सिफारिस गरिएको थियो ।
ADVERTISEMENT
रे फागुन अन्तिमसाता आफ्नो कार्यकाल पूरा गरेर स्वदेश फर्किएका थिए। भारतले मन्जिवसिंहलाई राजदूतको रुपमा नियुक्त गरेको पत्र नेपाललाई पठाएपछि उनको नामा रास्ट्रपति मार्फत अनुमोदन गरिएको थियो ।
ADVERTISEMENT
नेपालका लागि नयाँ राजदुत पुरीले यसअघि युरोपियन युनियन, बेल्जियम र लक्जेम्बर्गका राजदूत भएर काम गरिसकेका छन् । संयुक्त राष्ट्रसंघका लागि पनि भारतीय प्रतिनिधिको रूपमा काम गरिसकेका पुरी सन् १९८२ मा भारतीय परराष्ट्र सेवामाप्रवेश गरेका थिए । उनी नेपालका लागि भारतका २४ औं राजदूत हुन् । पुरी हिजै काठमाडौँ आइसकेका छन् ।
यसैगरी दक्षिण अफ्रिकाकी गैर आवासीय राजदूत रोविना पी मार्कसले पनि आजै राष्ट्रपति समक्ष आफ्नो ओहदाको प्रमाणपत्र पेश गर्नेछिन् । उनी शुक्रबार काठमाडौँ आइपुगेकी हुन् । रोविनाले श्रीलङ्काबाट नेपाल हेर्नेछिन् । नेपालका लागि थाइल्याण्डका राजदूत पनि शुक्रबारै नेपाल आइपुगेका छन् । तर उनले भने केही समयपछि मात्र ओहदाको प्रमाणपत्र पेश गर्ने छन् ।
