काेर एरियाकाे गणना शुरु भएसंगै झनै बढ्याे बालेनकाे मत, स्थापित ३६५८ मतान्तरले पछि

काठमाडौँ– काठमाडौं महानगरपालिकामा कोर एरियाको गणना शुरु भएसंगै स्वतन्त्र मेयर उम्मेदवार बालेन्द्र(बालेन) शाहको मत झनै फराकिलो हुदैँ गएको छ । साहले हालसम्मको मत परिणाममा अन्यको तुलनामा अग्रता कायम गरेका छन् । उनी ७ हजार १४१ मतसहित अग्र स्थानमा रहेका हुन् ।

निर्वाचन आयोगका अनुसार उम्मेदवार साहले नेकपा एमालेका उम्मेदवार केशव स्थापितभन्दा ३ हजार ६५८ मतले अघि छन् । उम्मेदवार स्थापितले हालसम्म ३ हजार ४८३ मत प्राप्त गरेका छन् भने गठबन्धनको तर्फबाट नेपाली कांग्रेसकी उम्मेदवार सिर्जना सिंहले ३ हजार १०९ मत प्राप्त गरेकी छिन् ।

गत वैशाख ३० गते भएको स्थानीय तह सदस्य निर्वाचन २०७९ को अहिले मत गणना कार्य जारी छ । काठमाडौं महानगरपालिकामा अहिले १, २, ३, ४, ५, ३१ र ३२ वडाको मतगणना भएको छ । जसमा १ नम्बर वडाको मतपरिणाम आइसकेको छ ।