निस्कर्षमा नपुगी सकियो गठबन्धन बैठक, ८ गते फेरि बस्ने

काठमाडौँ– प्रधानमन्त्री निवास बालुवाटारमा बसेको सत्तारूढ गठबन्धनको बैठक निस्कर्षमा नपुगी बैठक सकिएको छ।

शुक्रवार अमेरिकी सहयोग परियोजना एमसिसी संसदमा पेस गर्ने विषयमा छलफल गर्न बसेको बैठक निष्कर्षबिना नै टुङ्गिएको हो ।

उक्त बैठक छलफल एवम् निस्कर्षका लागि पुनः ८ गते बस्ने तयारी भएको एकीकृत समाजवादीका अध्यक्ष माधवकुमार नेपालले जानकारी दिए । बैठकमा प्रधानमन्त्री देउवाले आजै एमसीसी पास गर्ने प्रस्ताव गरेपनि शनिवार आफ्नो(एकीकृत समाजवादि) पार्टीको स्थायी कमिटी बैठक सकेर आइतबारका लागि अर्काे बैठक तय गरिएको अध्यक्ष नेपालले बताए ।

सत्तारुढ गठबन्धनमा रहेका माओवादी र एकीकृत समाजवादी यथास्थितिमै एमसीसी पास गर्न नहुनेमा अडिग रहदै आएका छन् । यद्यपि प्रधानमन्त्री देउवा भने जतिसक्यो चाँडो एमसिसी संसदमा पेस गर्ने पक्षमा छन्।