काठमाडौँ– निर्वाचन आयोगले निर्वाचन कानुनको मस्यौदा तर्जुमा गर्न विभिन्न मन्त्रालयसंग छलफल गरेको छ ।


ADVERTISEMENT


सरकारबाट कानुनको मस्यौदा तर्जुमा गर्न सैद्धान्तिक स्वीकृति दिएपछि आयोगमा शुक्रबार बसेको एकीकृत निर्वाचन निर्देशन समितिको बैठकमा कानूनको मस्यौदा तयार गर्ने विषयमा छलफल भएको हो ।


ADVERTISEMENT

# # #


बैठकमा मन्त्रीपरिषद् कार्यालयका कानून सचिव एवम् गृह सचिव, न्याय महाधिवक्ता, एवम् आयोग सचिवलगायतको सहभागिता रहेको थियो । निर्वाचन कानूनको मस्यौदा तयारीको सन्दर्भमा आयोगले आवश्यक छलफलपछि मस्यौदा परियोजना तयार गरेर गृह मन्त्रालयमा पठाउने आयोगका प्रवक्ता शालिग्राम शर्मा पौडेलले जानकारी दिए ।

आयोगले ६ महिनाअघि नै विधेयकको प्रारम्भिक मस्यौदा तयार गरी सैद्धान्तिक सहमतिका लागि गृह मन्त्रालय हुँदै मन्त्रिपरिषद्मा पठाएको थियो । उक्त मस्यौदामा विदेशमा रहेका नेपालीलाई मतदान समावेश गर्ने विषय समेटिएको छ ।