एकीकृत समाजवादीले टुंग्यायो मन्त्री चयन प्रकृया, रामकुमारी झाँक्री स्वास्थ्य मन्त्री बन्दै

काठमाडौँ– नेकपा(एकीकृत समाजवादी)ले मन्त्री हुनेहरूको नाम टुंगो लगाएको छ।

बिहिवार राति अबेरसम्म बसेको नेताहरुको बैठकले समाजवादी पार्टीअन्तर्गत बन्ने मन्त्रीहरुको चयन प्रकृया पुरा गरेको हो ।

जसअन्तर्गत एकीकृत समाजवादीबाट समाजवादी पार्टीकी नेत्री रामकुमारी झाँक्री स्वास्थ्य मन्त्री बन्ने चर्चा छ । सांसद विरोध खतिवडा र झाँक्री मध्ये एक जनाले स्वास्थ्य मन्त्रीको जिम्मेवारी पाउने पक्का भएको नेकपा सत्ता गठबन्धनका एक नेताले जानकारी दिएका हुन् ।

नेकपा(एकीकृत समाजवादी) ले स्वास्थ्य मन्त्रालयको जिम्मेवारी पाएपछि भएपछि हाल स्वास्थ्य राज्यमन्त्री रहेका उमेश श्रेष्ठको भने बढुवा हुने सम्भावना देखिएको छ ।

स्वास्थ्य राज्यमन्त्री श्रेष्ठलाई कुनै महत्वपूर्ण मन्त्रालयको जिम्मवारी दिने तयारी प्रधानमन्त्रीको छ । बालुवाटार निकट स्रोतले जनाए अनुसार श्रेष्ठलाई उद्योग वाणिज्य तथा आपूर्ति मन्त्रालयको जिम्मेवारी दिने तयारी छ ।

यसैगरि झाँक्रीसंगै राज्यमन्त्री हुनेमा विरोध खतिवडा, प्रेम आले, किसान श्रेष्ठ मन्त्री र भवानी खापुङ रहेका छन् ।

मन्त्रीपरिषद चयन भएकालाई प्रधानमन्त्री शेरबहादुर देउवाले आज मन्त्रिपरिषद् विस्तारको तयारी गरेका छन् । उनीहरुलाई आजै शपथ गर्ने तयारी रहेको बुझिएको छ ।