काठमाडौंमा १८ वर्षमाथिका सबै नागरिकलाई आजदेखि खोप

काठमाडौं – १८ वर्षमाथिका सबै नागरिकलाई आजदेखि काठमाडौंमा कोभिड–१९ विरुद्धको खोप दिइने भएको छ।

तीन दिनसम्म चल्ने खोप कार्यक्रमअन्तर्गत १८ वर्षमाथिका सबै नागरिकलाई भेरोसेल खोपको पहिलो डोज दिइने स्वास्थ्य कार्यालय काठमाडौंका प्रमुख बद्रीबहादुर खड्काले जानकारी दिए।

खोप प्रदान गर्न काठमाडौंका १२ वटै पालिका र सात अस्पतालमा केन्द्र तोकिएको छ।

खोप लिनेले अनिवार्य अनलाइन फारम भर्नुपर्ने स्वास्थ्य कार्यालय काठमाडौंले जनाएको छ।