जनतामाझ लोकप्रिय बन्दै भगवती चौधरी

सुनसरी– दोस्रो चरण अन्तर्गत आगामी मंसिर २१ गते हुने प्रतिनिधी सभा सदस्य निर्वाचनका लागि सुनसरी क्षेत्र नं. ३ मा बाम गठबन्धनका तर्फबाट उम्मेदवारी दिएकी भगवती चौधरी जनताका माझमा लोकप्रिय बन्दै गएकी छन् ।

जनताका घरदैलोमा गएर भेटघाट गर्ने गरेकी उनलाई यतिबेला मतदाताहरुले जितको आशिर्वाद दिई रहेका छन । आफ्ना आशा, अपेक्षा र समस्याको सामाधान भगवती चौधरीको जितवाट सम्भव हुने मतदाताहरु बताउँछन् ।

उम्मेदवार चौधरीलाई मतदाता भन्छन्, “तपार्इ जित्नु पर्छ, अनिमात्र यस क्षेत्रको विकास हुुन्छ र गाँउको मुहार फेरिन्छ । तपाईको जीत नै जनताको जित हो” । जनताका माझ भरदैलो कार्यक्रम गर्ने क्रममा ईटहरी १० अमझोकीमा जादा स्थानीयले समस्याको चाँङ्ग सुनाएका थिए तर पनि भगवतीको जीतले ती समस्याहरु सामाधान हुनेमा उनीहरु आशावादी देखिन्थे ।

चुनावी अभियानमा बोल्दै उम्मेदवार चौधरीले आफ्नो जीत सुनिश्तिच भएको बताइन् । उनले आफ्नो जितका लागि वाम गठवन्धनले मात्र नभई सम्पूर्ण क्षेत्र लागिपरेको दाबी गरिन् । आफ्नो जितले महिलाका हक र अधिकार सुनिश्चित गर्ने बताउँदै चौधरीले यस क्षेत्रका ५ हजार यूवाहरुलाई रोजगारको सृजना गर्ने बताइन् । उनले यस क्षेत्रको हरेक अवस्था आफूलाई जानकारी रहेकोले योजनावद्ध रुपमा विकास गर्ने भनी प्रतिवद्धता जाहेर गरिन् ।

उनले सुनसरीको क्षेत्र नं. ३ मा रिङ्ग रोडको निर्माण गर्ने, विदेशिएका यूवाहरुलाई आफ्नै ठाँउमा काम गर्ने वातावरण तयार गर्ने र समाज र देशको आर्थिक विकासमा योगदान दिन ठोस कार्यक्रमहरु ल्याउने प्रतिवद्धता जनाइन् । ।