बनियानी, झापा– झापाको कमल गाउँपालिकाले ‘समृद्ध कमल हाम्रो सरोकार’ भन्ने नाराका साथ आर्थिक वर्ष २०७४/०७५ को बजेट सार्वजनिक गरेको छ ।
ADVERTISEMENT
शनिबार सम्पन्न प्रथम गाउँसभामा गाउँपालिका उपाध्यक्ष बेनु सिवाकाटीले रू ३३ करोड ३३ लाख ७३ हजार ६०० को आयव्यय विवरण सार्वजनिक गर्दै आन्तरिक आयतर्फ रू १० करोड ७९ लाख तथा बाह्यतर्फ रू ३२ करोड २५ लाख ८३ हजार ६०० को बजेट विनियोजन गरिएको बताए ।
ADVERTISEMENT
गाउँपालिकाका अध्यक्ष मेनुका काफ्लेले प्रस्तुत नीति तथा कार्यक्रममा गाउँपालिकाको भौतिक संरचना निर्माण, सडक विस्तार तथा कल्भर्ट निर्माण, खानेपानी तथा ढल निकासको समुचित व्यवस्थापन, शिक्षा, स्वस्थ्य, कृषि, पशुपालन, सहकारी, बजार विस्तार, ग्रामीण विद्युतीकरण, उद्योग कलकारखाना स्थापना, पर्यटन, वातावरण तथा विपद् व्यवस्थापनसहितका योजना समेटिएको बताए ।
उनले जनताले जनताकै लागि शासन गरेको अनुभूति हुनेगरी सेवा प्रवाहमा सुधार गर्दै नमूना गाउँपालिका बनाउने लक्ष्य नीति तथा कार्यक्रम ल्याइएको र गाउँपालिकाले प्रवाह गर्ने सेवालाई आधुनिकीकरण तथा प्रविधिमैत्री बनाउनेसमेत उल्लेख गरे ।
