स्व. गिरिजा प्रसाद कोईरालाको ९८ औं जन्म जयन्तिको अवसरमा रक्तदान कार्यक्रम

वीरगञ्ज– नेपालका पुर्व प्रधानमन्त्रि तथा नेपाली काग्रेसका पुर्व सभापति स्व. गिरिजा प्रसाद कोईरालाको ९८ औं जन्म जयन्तिको अवसरमा सोमबार जी.पी कोईरनला फाउण्डेशन पर्साले रक्तदान कार्यक्रमको आयोजना गरेको छ ।

‘रक्तदान जीवन दान’ भन्ने नारासहित फाउण्डेशनले स्व. सो आकस्मिक रक्तदान कार्यक्रमको आयोजना गरेको हो ।

कोरोना महामारीका कारण ब्लड बैंक वीरगंज शाखाअन्र्तगत रगत अभाव भएकोले सो जन्मोत्सवको अवसर पारेर अकास्मिक रक्तदान कार्यक्रमको आयोजना गरेको फाउण्डेशन पर्साका सह सचिव मिन्टु देवि सिंहको भनाई छ ।

कार्यक्रममा प्रमुख अतिथिको रुपमा उपस्थित भएका वीरगंज महानगरपालिकाको उप प्रमुख शान्ति कार्कीले श्रीमती नजमा बेगमलाई ब्लड पाउच दिएर उद्घाटन गरेको सो कार्यक्रमको अध्यक्षता फाउण्डेशन पर्साका अध्यक्ष मोहम्मद सहाबुदिनले गरेका थिए ।

सो कार्यक्रममा एक महिला सहित कुल ६० जनाले रक्तदान गरेका छन् ।