पाल्पा– पाल्पा जिल्लाको रामपुर नगरपालिका–१ खटाङ्गस्थित छादी गुफा प्रचारप्रसारको अभावले ओझेलमा परेको छ ।
ADVERTISEMENT
स्थानधारी प्रजातिको चरा अध्यारो छादी गुफामा बाँस बस्दा यसक्षेत्र अझ प्राकृतिक हिसाबले रमणीय बन्दै गएको छ । छादीमा भिरालो चट्टानमा रहेको ठूलो गुफाभित्र विभिन्न आकृतिमा रहेका मूर्तिले धार्मिक पर्यटकलाई आकर्षित गरे पनि त्यसको प्रचारप्रसारमा अझै कोही जुटेका छैनन् ।
ADVERTISEMENT
चिन्ते सामुदायिक वन क्षेत्रभित्र रहेको गुफामा देवीदेवताको मूर्ति र गुफाको माथिल्लो भागमा चमेरा फैलिएर यसक्षेत्र हेर्न लायकको पर्यटकीय गन्तव्य हो । मानिस गुफाभित्र पसेर उज्यालोको सहायताले गुफामा रहेका विभिन्न आकृतिका मूर्ति, चमेरा हेर्न र अर्को झरना भएको द्वारबाट बाहिर निस्कन सकिने गरेको स्थानीय बासिन्दा सूर्य दर्जीले बताए।
ठूलो गुफाको प्रवेशद्वार र बाहिर निस्कनेद्वार फरक/फरक रहेका छन् । गुफाको माथिल्ला भागबाट पानी झरिरहेको छ । त्यो पानी देवीदेवताको आकृतिमा खसेको स्थानीय बासिन्दा दर्जीको भनाइ छ ।
छादी गुफाको आसपासमा पाँच÷सातवटा गुफा देखिएको स्थानीय बासिन्दा चिरञ्जीवी सिग्देलले बताए । साना गुफामा देखिए पनि मानिसभित्र प्रवेश गरी अवलोकन कमै मात्रा गर्दछन् । प्रवेशद्वार सानो हुने र भित्री भाग फैलिएको छैन् । गुफा क्षेत्रमा बढी चिसोपन रहिरहने भएकाले पनि बाह्रै महिना हरियाली देख्न पाइन्छ ।
गुफा क्षेत्र पहिला पानी बग्ने क्षेत्र हो । गुफाको नजिकैबाट अहिले पानी झरना बगेकाले पनि अझै रमणीय बनाउन सहयोग तुल्याएको देखिन्छ । चैत/वैशाखसमेत शीतल हुनेभएको आन्तरिक पर्यटकीय क्षेत्रको रुपमा विकास गर्न सकिने सम्भावना छ ।
स्थानीयतहबाट भौतिक संरचना र प्रचारप्रसार हुन नसक्दा ऐतिहासिक महत्व बोकेको यस क्षेत्र गुमनाम जस्तो बनेको छ । भौतिक संरचनाको विकास हुन नसक्दा ऐतिहासिक महत्वले भरिपूर्ण यस क्षेत्र ओझेलमा परेको स्थानीय बासिन्दाको भनाइ छ । चिन्ते सामुदायिक वनमा रहेको छादी गुफा र झरना प्रचारप्रसारको ओझेलमा परेको छ ।
कालीगण्डकी कोरिडोर अन्तर्गत रामपुरस्थित छादीको सडकदेखि दश पन्ध मिनेट पैतल हिँडेपछि गुफा र छहरा रमणीय स्थलमा भेटिन्छ ।
चिन्ते सामुदायिक वन उपभोक्ता समितिले वन संरक्षण गर्न थालेपछि यस क्षेत्र हराभरा बन्द थालेपछि एकान्तमा रमाउनेको लागि यो क्षेत्र झनै आन्ददायी क्षेत्र बनेको छ । सानो मान्छे हिँड्ने गोरेटो हुँदै छादीमा पुगिन्छ ।
यस क्षेत्रलाई पर्यटकीय क्षेत्रका रुपमा विकास गर्न सकेको अवस्थामा स्थानीय बासिन्दाको रोजगारीका अवसरसमेत सिर्जना हुने तर त्यसका लागि स्थानीय तहबाट भौतिक संरचनाको विकास, प्रचारप्रसार, सडकको व्यवस्था, होटललगायतका संरचनामा ध्यान दिनुपर्ने स्थानीय बासिन्दा दर्जीको भनाई छ ।
