कर्णाली– कर्णाली स्वास्थ्य विज्ञान प्रतिष्ठानको उपकुलपतिमा डा. मङ्गल रावल नियुक्त भएका छन् ।
ADVERTISEMENT
प्रधानमन्त्री एवं कुलपति केपी शर्मा ओलीले डा. रावललाई उपकुलपतिको पदमा नियुक्त गरेको हो।
ADVERTISEMENT
स्वास्थ्य तथा जनसङ्ख्यामन्त्री एवं प्रतिष्ठानका सहकुलपति हृदेश त्रिपाठीको संयोजकत्वमा बनेको सिफारिस समितिले गरेको सिफारिसबमोजिम प्रधानमन्त्री ओलीले डा. रावललाई नियुक्त गरिएको जनाइएको छ । सिफारिस समितिले प्रतिष्ठानमा कार्यरत सहप्रध्यापक डा. रावलसँगै प्रा. डा. रेशम राना र सहप्रध्यापक डा. पुजनकुमार रोकायाको नाम सिफारिस गरेको थियो ।
गत फागुन १६ गते प्रतिष्ठानका उपकुलपति प्रा. डा. राजेन्द्रराज वाग्लेको पदावधि सकिएपछि उक्त पद खाली भएको थियो । तत्पश्चात् डा. रावलले कार्यवाहक उपकुलपतिको जिम्मेवारी सम्हाल्दै आएका थिए । आइतबार प्रधानमन्त्री ओलीले हुम्ला निवासी डा. रावललाई प्रतिष्ठानको उपकुलपतिमा नियुक्त गरेपछि कर्णालीवासी भने निकै खुशी भएका छन् ।
त्यसैगरी प्रधानमन्त्री ओलीले आइतबार नै पोखरा स्वास्थ्य विज्ञान प्रतिष्ठानमा डा. डुकबहादुर क्षेत्रीलाई उपकुलपति नियुक्त गरेका छ । नियुक्त उपकुलपतिहरुको कार्यकाल चार वर्षको हुनेछ । रासस
