सुधिर र सिर्जना अभिनित राखीको ‘हे मन’ सार्वजनिक (भिडियो)

काठमाडौं – कवि एवम् गीतकार राखी गौचनको मार्मिक शब्दमा रहेको ‘हे मन’ बोलको म्युजिक भिडियो सार्वजनिक भएको छ।

हृदयस्पर्शी यस गीतमा स्वरमा गायक शंकर थापा ‘स्माइल’को रहेको छ। गायक थापाले नै संगीतवद्ध गरेको यस गीतमा विश्व अधिकारीको संगीत संयोजन रहेको छ।

पत्नी गुमाएको एक पुरुषको विक्षिप्त अवस्थालाई मार्मिक ढङ्गमा प्रस्तुत गरिएको म्युजिक भिडियोमा सुधिर श्रेष्ठ, सिर्जना जीसी र प्रनिमा दाहाल फिचर्ड छन्। भिडियोलाई उत्सव दाहालले छायांकन गरेका हुन्।

भिडियोमा शिलन लम्सालको सम्पादन रहेको छ। डश म्युजिक नेपालको च्यानल मार्फत सार्वजनिक गरिएको यस भिडियोलाई मुनाल शिशिर कोइरालाको निर्देशनमा तयार पारिएको हो।

यस्तो छ भिडियो :