मिशन उपाध्यक्ष खम्पा र यातायातमन्त्री नेम्वाङबीच भेट– भारतको सहयोगमा सञ्चालित रेलबे सेवाबारे छलफल

काठमाडौँ – भारतीय मिशन उपाध्यक्ष नामग्या खेम्पाले भौतिक पूर्वाधार तथा यातायातमन्त्री बसन्त नेम्वाङसित भेटवार्ता गरेकी छिन् ।

मंगलवार खम्पा र नेम्वाङबीच भएको भेटमा भारतको सहयोगमा रेलवे र सडक क्षेत्रमा सञ्चालित परियोजनाहरुको बारेमा छलफल भएको थियो ।

भारतीय सहयोगमा नेपालका रेलवे र सडक क्षेत्रमा एकीकृत जाँच चौकी, ऊर्जा, पुल, सिंचाइ, रेल, सडक, कृषि तथा भूकम्पपछिको पुनर्निर्माणलगायतका काम भइरहेका छन् । खम्पाले यातायातमन्त्री नेम्वाङबाट त्यसको प्रगतिको जानकारी लिएकी थिइन् ।