मेगाले घरैबाट सरकारी राजस्व तथा व्यवसायी भुक्तानी गर्न सकिने सेवा ल्याउँदै

काठमाडौँ – मेगा बैंकले घरैबाट सरकारी राजस्व तथा व्यवसायीक भुक्तानी गर्न सकिने सेवा सञ्चालनमा ल्याउने भएको छ । बैंकले संस्थागत ग्राहकका लागि बैंक खाताबाटै डिजिटल भुक्तानी गर्न सकिने गरी ‘कर्पोरेट–पे’ प्रणालीको सुरुवात गर्न लागेको हो ।

यो सेवा सञ्चालनमा आएसँगै व्यवसायिक ग्राहकहरुलाई उक्त डिजिटल माध्यममार्फत बैंकमा नगई रकम स्थानान्तरण, तलब भुक्तानी, भेन्डर पेमेन्ट, सरकारी राजस्व भुक्तानी लगायतका अन्य विभिन्न व्यवसायिक भुक्तानीहरु आफ्नो खाताबाटै सजिलै गर्न सक्नेछन् ।

उक्त प्रणाली मार्फत कनेक्ट आइपिएस अथवा एनसिएचल आइपिएसमा रियल–टाइम वा नन–रियलटाइममा समेत भुक्तानी सम्बन्धी कारोबारहरु गर्न सकिने मेगा बैंकले जनाएको छ ।