अमेरिकी चुनावः ट्रम्पलाई भारी मतले पछि पार्दै जीतको नजिक बाइडन

मानिसहरूलाई केही दशकयताकै सबैभन्दा धेरै विभाजित बनाएको अमेरिकाको राष्ट्रपतीय चुनावमा ट्रम्पलाई भारी मतले पछि पार्दै जो बाइडन जीतको नजिक पुगेका छन् ।

अमेरिकाको राष्ट्रपतिमा निर्वाचित हुनका लागि कम्तीमा २७० इलेक्ट्रोल भोट पाउनुपर्नेमा बाइडनले २६४ भोट पाएका छन् भने ट्रम्प २१४ मै सीमित छन् ।

बहालवाल राष्ट्रपति डोनल्ड ट्रम्प र डेमोक्र्याटिक उम्मेदवार जो बाइडनबीच भएको कडा प्रतिस्पर्धामा बाइडनले ट्रम्पलाई पछि पारेका छन् । बाइडन ट्रम्पभन्दा १६ लाख बढी मतले नेतृत्व गरिरहेका छन् ।

अमेरिकाका कूल ५० राज्यमध्ये ४३ स्थानको नतिजा सार्वजनिक भइसकेको छ ।

जितका लागि निकै महत्वपूर्ण मानिएका राज्यहरुको मत गणना जारी छ नै रहेकाले अहिले नै अमेरिकाको ५८ औं राष्ट्रपति को हुन्छ भनेर भन्न सकिने स्थिति भने छैन ।

यद्यपि, बाइडनले भारी बहुमतले लिड गरिरहेकोमा लगभग उनी जीतको नजीक पुगेको विश्लेषण विज्ञहरुले गरेका छन् । यता ट्रम्पले भने चुनावमा धाँधली भएको बताउँदै अदालत जाने बताइरहेका छन् ।