महालक्ष्मी विकास बैंकका ऋणीलाई ब्याजदरमा भारी छुट

काठमाडौँ – महालक्ष्मी विकास बैंकले कोरोना भाइरस (कोभिड–१९)का कारणले उत्पन्न असहज परिस्थितिमा आफ्ना ऋणीहरुलाई ब्याजदरमा भारी छुट दिने भएको छ ।

विकास बैँकले बैंकबाट कर्जा सुविधा लिएका ग्राहकहरुलाई राहत पुर्याउने उद्देश्यले ऋणीहरुले असोज मसान्त भित्र तिनुपर्ने व्याज भुक्तानी गरेमा भुक्तानी भएको व्याज रकममा १० प्रतिशत छुट प्रदान गर्ने निर्णय गरेको हो ।

बैंकले व्याज रकममा १० प्रतिशत छुट असोज मसान्तभर प्रदान गर्ने छ । ग्राहकहरुले यस विषम परिस्थितिमा पनि कर्जाको किस्ता-ब्याज भुक्तानी गरेर देखाएको इमान्दारीताको कदर गर्दै बैंकले केही कर्जाहरुमा व्याजदर समेत घटाएको छ ।

महालक्ष्मी विकास बैंकले देशका शहरी तथा ग्रामीण क्षेत्रका विभिन्न स्थानहरुमा १०२ वटा शाखा तथा ३४ वटा एटीएमहरुमार्फत ५ लाख भन्दा बढी ग्राहकलाई सेवा प्रदान गरिरहेको छ ।