काठमाडौँ – विश्व स्वास्थ्य संगठन (डब्लूएचओ)ले नेपालमा कोरोना संक्रमणको शुरुवात मात्र भएको र अवस्था भयावह हुन बाँकी रहेको बताएको छ ।
डब्लुएचओका नेपालस्थित कार्यालयका प्रतिनिधि डा. जोस भ्यानडिलिएरले नेपालमा परिस्थिति अझ् नराम्रो हुने बताएका हुन् । मंगलबार स्वास्थ्य तथा जनसंख्या मन्त्रालयको नियमित अपडेटमा प्रवक्ता प्रा.डा. जागेश्वर गौतमलाई अन्तरवार्ता दिँदै भ्यानडिलिएर भने, ‘नेपालको अवस्था अहिलेको भन्दा अझ खराब हुनसक्ने देखेका छौँ ।’
उनले आगामी एक महीनामा कोरोना संक्रमण उच्च हुने बताए । कोरोना संक्रमणको बढ्दो जोखिमलाई न्यूनिकरणका लागि सरकार–निजी क्षेत्र साझेदारी गरी अघि बढ्नुपर्ने उनले बताए ।