चितवन- नारायणगढ मुग्लिन सडकखण्ड अन्तर्गत चारकिलोमा आज बिहानै पहिरो खस्दा यातायात अवरुद्ध भएको छ । बिहान चार बजे तिर कालिखोलामा खसेको पहिरोले सडक अवरुद्ध हुँदा सवारी आवागमन ठप्प भएको हो ।
ठुलो पहिरो खसेकाले आज दिनभर जसो सडक अवरुद्ध हुन सक्ने चितवनका प्रमुख जिल्ला अधिकारी नारायणप्रसाद भट्टराईले बताउनुभयो । लगातार पहिरो झरीरहेको र पानी पनि परी रहेका कारण पहिरो हटाउने काम सुरु हुन सकेको छैन ।